Ginkilaea si Andy Burnham bilang bag-o nga Prime Minister it United Kingdom.
Sa anang speech sa guwa it 10 Downing Street, nagpromisa si Burnham nga magapatigayon it mga bag-o nga tikang agud matalakay ro mahae nga cost of living ag kun paalin nana raya nga mabaeabagan.
Suno kana nga nagpaguwa eon imaw it 10-year plan.
Kaibahan kara ro pagbulig sa mga pamatan-on nga makatrabaho pinaagi sa pag-baylo sa sistema it edukasyon ag pagtau kanda it mas maabu nga suporta, eakip eon sa mental health, ag magatukod man it mas maabu nga council homes.
Samtang, sa paghalin it anang Labour Party colleague nga si outgoing premier Keir Starmer, ginpahayag kara nga natapos eon ro anang trabaho.
Ko nagtaliwan nga buean, ginpahalin imaw it anang Labour lawmakers.
Matapos nga pormal nga maitau ro anang resignation kay King Charles, paga-atubangon it monarch si Burnham ag pagahinyuon raya nga mangin prime minister.
