Gin-anunsiyo it Department of Health (DOH) nga natumod sa Pilipinas ro ap-at nga omicron BA.2.12.1 nga kaso sa Metro Manila ag Puerto Princesa.
Daywang kaso it highly transmissible omicron subvariant nga nakit-an sa Metro Manila ro nakakumpleto it home isolation ag sa makaron hay asymptomatic eon.
Suno kay Health Undersecretary Maria Rosario Vergeire pareho nga nabakunahan eon ro mga indibidwal nga may mga booster shot ag sa 39 ro ka-close contact.
Ginatan-aw eon man sigon it DOH ro status it pagbakuna ag quarantine ag testing information it mga close contact it mga nagpositibo.
Natumod man it DOH ro daywang kaso it omicron subvariant sa Puerto Princesa, kung siin 14 nga turista ag sambilog nga lokal ro nagpositibo sa COVID-19 ku nagtaliwan nga Abril 29.
Sa 15 nga kaso, lima ro naka-experyehensya it mild symptoms.
Dugang pa ni Vergeire, tanan hay asymptomatic ag nagmayad eon man.
28 ro maeait nga kontak ro nagnegatibo eon sa COVID-19 samtang ro kahimtangan it andang eawas ag pagbakuna gay ginaberipika pa.
