Babae sa Florida, nakapagtala ng world record sa 639-pound hip thrust

Nakapagtala ng Guinness World Record ang isang fitness coach mula sa Florida, United States matapos magbuhat ng 639 pounds o halos 290 kilo sa weighted hip thrust.

Kinilala si Lilian Zamora Alonso, residente ng Miami, sa kategoryang pinakamabigat na bigat na naiangat sa hip thrust ng isang babae. Isinagawa niya ang pagtatangka noong Marso 27 sa Miami Iron Gym at nakumpirma ang pag-apruba sa kanyang record makalipas ang limang buwan.

Nagsimulang magbuhat ng timbang si Zamora Alonso sa edad na 16. Bago ang opisyal na pagtatangka, umabot sa 670 pounds o halos 304 kilo ang kanyang personal record, ngunit mas mababang timbang ang pinili niya para sa world record attempt.