Gintaeana it Samahang Basketbol ng Pilipinas si Burke “BT” Toews bilang bag-ong head coach it Gilas Pilipinas Women.
Pagabayluhan ni Toews si Patrick Aquino nga mabuhay man nga nagdumaea sa national team ag nagbulig sa pagsaka it Gilas Women sa international basketball scene.
Nakilaea si Toews sa anang madinaeag-on nga pagdumaea sa Fujitsu Red Waves sa Japan kun sa siin nadag-an nanda ro magkasunod nga kampeonato ko 2024 ag 2025.
Ginaeauman nga pagapangunahan nana ro kombinasyon it beterano ag batang players it Gilas Women kaibahan sanday Jack Animam, Afril Bernardino, ag Kacey Dela Rosa.
Presenteng sa ika-30 puwesto sa world rankings ro Gilas Women matapos ro madinaeag-on nanda nga kampanya sa nagkaeain-eain nga international tournaments makaron nga dag-on.
