Pormal eon nga gin-inagurahan ro Bagong Kalibo Covered Court ku adlaw it Byernes, Abril 24.
Ginpangunahan raya ni Kalibo Mayor Juris Sucro, kaibahan sanday Rep. James “Jojo” Ang it Uswag Ilonggo Partylist ag former Congressman Teodorico “Nonong” Haresco.
Suno sa lokal nga gobyerno it Kalibo, ro nasambit nga proyekto hay tuyo nga mag-tao it euwas, maayos, ag mapuslan it mga pumeuyo nga pasilidad para sa mga nagkaeain-eain nga programa ag aktibidad sa banwa.
Sa pihak kara, nag-angkon man it istorya angot sa pagiging perming magkaibahan ni Haresco ag Ang kun sa siin gin-klaro man ni Haresco nga mabuhay eon sanda nga magkakilaea ni Ang.
Ginpaathag nana nga kato pa man hay madaeom eon ro relasyon it andang pamilya.
Ginklaro man nana nga gin-imbitahan malang imaw ni Ang sa nasambit nga inagurasyon. Uwa man nana klarong ginpaathag kun may plano pa raya nga uman nga sumueod sa pulitika.
