Natumod it mga awtoridad nga sambilog sa daywang baril nga ginamit sa pagpamaril sa San Jose National High School sa Tacloban, Leyte nga ginkamatay it makaron hay ap-at eon ka estudyante ag ginkanina it 11 nga iba pa hay ginapanag-iyahan it sangka pulis.
Suno sa Philippine National Police (PNP), ro 9mm Glock pistol hay naka-issue sa sangka policewoman sa Eastern Visayas nga presenteng ginaimbestigahan, samtang ro sambilog pa nga .38 caliber revolver hay nakarehistro sa sangka security agency sa Cebu City. Masobra 40 basyo it bala ro narekober sa lugar it insidente.
Arestado man ro daywang menor de edad nga suspek, edad 14 ag 15 anyos, ag presenteng una eon sa kustodiya matapos sigon magpaeupok sa sueod it eskwelahan.
Padayon ro imbestigasyon sa posibleng motibo it insidente, nga ginahambae nga posibleng may kaangtanan sa bullying, samtang una sa kustodiya ro mga suspek kaibahan ro andang mga ginikanan.
Una sa idaeom it high alert ro Department of Education (DepEd) ag padayon ro koordinasyon sa mga awtoridad para sa seguridad sa ekswelahan, samtang ginabueong pa sa ospital ro mga ninahan nga estudyante.
