KALIBO, Aklan—Nagapati ro Bagong Alyansang Makabayan ukon Bayan Aklan nga himo-himo eamang it Armed Forces of the Philippines ukon AFP ro engkwentro sa tunga it Philippine Army ag mga rebeldeng grupo sa Sitio Itabag, Brgy. Manika, Libacao.
Suno kay Mr. Kim Sin Tugna, provincial coordinator it Bayan Aklan nga himu-himu eamang it mga militar nga may presensya it mga New Peoples Army ukon mga rebeldeng NPA sa nasambit nga banwa agud nga makakamae it pondo ro National Task Force to End Local Communist Armed Conflict ukon NTF-ELCAC halin sa gobyerno.
Gin-insister nana nga mabuhay eon nga insurgency-free ro probinsya it Aklan ag sa mismong mga nabukid nga barangay it banwa hay may detachment ro Philippine Army rason nga uwa sanda nagapati nga may engkwentro nga natabo sa tunga it magtimbang nga parte.
Mag-eowas kara, posible sigon nga ro pagdevelop sa lugar hay may eain nga intensyon ro gobyerno nga magapabor sa mga daeagkuan nga kapitalista bangud nga mag-eowas sa manggaranon ro lugar sa abaca hay maabo man nga minerals ro mabuoe sa lugar nga posibleng maging minahan sa ulihing inadlaw.
