KALIBO, Aklan — Uman nga ginapadahan it Bureau of Fire Protection (BFP) Aklan ro publiko kontra sa paggamit it mga maugan nga materyales ag substandard nga electrical wires sa mga Christmas decorations agud nga malikawan ro sunog.
Suno kay SFO1 Paulo Vicente Neptuno, chief public information officer it BFP Aklan nga dapat nga usisaon it mayad it mga bumaeakae ro mga wires, nga dapat nga madamoe ag ro authenticity it import commodity clearance ukon ICC stickers nga madali sigon nga ma-peke.
Nagpaandam man imaw sa mga naga-recycle it mga Christmas lights nga ipa-check sa mga electrician ro wiring.
Laygay pa nana nga likawan ro pagsaksak it maabuan nga mga Christmas lights sa kada electrical outlet ag mas mayad nga maggamit it LED lights bangud nga owa raya naga produce it spark ag init.
Sa makaron hay owa pa sigon sanda it may nai-record nga insidente it sunog nga ro rason hay ro mga Christmas lights.
Sa pihak nga parte, gindugang pa ni SFO1 Neptuno nga nakipag-partner kanda ro Akelco kaibahan ro Provincial Disaster Risk Reduction and Management Office (PDRRMO) para sa pagpatigayon it electrical safety and disaster preparedness makaron nga holiday season.
