Nagpaandam si Chinese Pres. Xi Jinping kay US. Pres. Donald Trump nga posibleng mauili sa giyera ukon grabe nga komprontasyon ro relasyon it China ag Estados Unidos kun mali ro magiging tikang sa isyu it Taiwan.
Sa andang summit sa Beijing, ginpunto ni Xi nga ro Taiwan ro pinaka-importante ag pinakasensitibong isotrya sa koneksyon it daywang nasyon, ag nagpaandam nga ro isyu hay posibleng magtuga it grabe nga peligro sa pangkalibutanong estabilidad.
Uminit ro tensyon matapos aprubahan it US ro bilyon-dolyar nga baligyaan it armas sa Taiwan, nga mahugot nga ginpamaeabagan it China.
Samtang, padaon ro pagpokus it US sa istoryang pangkalakalan, kaibahan ro pag-istorya sa pagbakae it China it mga produktong agrikultural, enerhiya, ag eroplano halin sa Amerika.
