KALIBO, Aklan–Kabilugan nga naging malinong ag matawhay ro selebrasyon it Paskwa sa banwa it Libacao.
Raya hay bangud nga owa it nailistang anuman nga untoward incident ukon firecracker-related incident ro Bureau of Fire Protection (BFP).
Suno kay FO2 John-Rey Zaulda it BFP-Libacao nga owa sanda it nasaksihan ag nabatian nga nagpaeupok sa kasagsagan it pagsug-aeaw it Paskwa kadungan it andang paglibot.
Posible sigon nga nakaapekto kara ro maeain nga panyempo bangud hasta makaron hay padayun ro pagbuhos it uean sa nasambit nga banwa.
Angot kara, ginkumpirma ni FO2 Zaulda nga may gintaeana eon sanda nga area kung siin pwedeng magbaligya ro mga firecracker vendor partikular sa bahin it estaka.
Ginpasiguro man kara nga padayun sanda nga magapatigayun it rekorida ag pagbantay agud nga masiguro ro eowas nga selebrasyon it mga pumueoyo hasta sa bag-ong dag-on.
