Ginbisitahan ni US President Joe Biden ro mga soldado nga Amerikano nga presenteng nakadeploy makaron sa nasyon nga Poland agud nga magbulig sa pilang milyon nga refugee it Ukrainian war.
Dikara nagpaabot it eubus nga pagpasaeamat si Biden sa mga soldado nga miyembro it 82nd Airborne Division it US Army nga naka-deploy makaron sa Rzeszow airport kadungan it uman nga pagpahayag angot sa mabahoe nga paeag it pag-atake it Russia sa Ukraine.
Ginklaro ni Biden nga indi mag-adto sa Ukraine ro tropa it Amerika para direktang makipagsukoe sa Russia bangud sa posible sigon raya nga maging rason it World War III.
Apang, ginmandu nana ro mga bag-ong rational deployment sa NATO’s eastern edge agud nga ipakita ro promisa it Amerika sa pagprotekta sa ginsumpaan nga alyansa.
