Nagpanawagan si Senador Christopher Bong Go kay Senadora Imee Marcos nga magpatunga kanday Vice President Sara Duterte ag Pangueong Ferdinand Marcos Jr., para sa kaayusan it tanan ag kapakanan it kada Pilipino.
Kasunod eon man raya it mga naging tirada ni VP Sara sa Presidente, First Lady Liza Araneta-Marcos, ag House Speaker Martin Romualdez.
Ginpahayag pa it bise nga nagkontrata eon imaw it assassin agud patyon si Pangueong Marcos Jr kon may matabo gidman kana.
Suno kay Go, kon napatingob ni Senadora Imee ro UniTeam nga Marcos ag Duterte ko nagtaliwan nga eleksyon, base pwede sigon nga maging instrumento raya it kalinungan ag kaayusan sa daywang pinakamataas nga opisyal it nasyon.
Gin-insister it senador, ginbutang sanda it publiko agud magtrabaho.
Nag-ugat ro mga tirada ni VP Sara matapos magpaguwa it mando nga isaylo halin sa House detention facility paadto sa Correctional Institution for Women sa Mandaluyong City ro anang chief of staff nga si Undersecretary Zuleika Lopez.
Si Lopez ay na-cite in contempt sa Kamara bangud sa “undue interference” sa pag-usisa it House Committee on Good Government and Public Accountability sa paggamit it confidential funds it Office of the Vice President.
