Brgy. council it Jawili, Tangalan nagapati nga aksidenteng napirmahan eamang ro pangaean ni Ingeniero

KALIBO, Aklan—Nagapati si Punong Barangay James Tumbagahan it Jawili, Tangalan nga posibleng nagtaeang  eamang ag aksidenteng  napirmahan  ro pangaean it  tagreklamong si Nene Ingeniero  sa listahan  it mga benepisyaryo it  ayudang abono  halin  sa  Department of Agriculture.

Raya hay  bangud nga  intact  ag owa  it sin-o man nga  nag-claim sa anang abono nga naga-abot  sa 18 kilos nga idtu makaron sa andang barangay hall.

Ginpaathag kara  nga  nakadepende  sa  kaeapad  it eanas it benepisyaryo ro  kinilo  nga mabaton nga abono.

Kadungan  kara,  gin engganyo ni  kapitan tumbagahan ro  tagreklamo  nga  magdangop sa andang barangay agud nga  maklaruhan.

Naga abot  sa  68  ro  benepisyaryo   kara  sa andang  barangay  ag   60 eon ro naka-claim.