Dead on arrival ro 51-anyos nga Brgy. Kagawad it Dayao, Roxas City nga si Raphael “Chad” del Rosario matapos nga magsunggab ro gina-maneho karang saeakyan sa diversion road nga sakop it Makato, Aklan.
Suno kay P/Cpt. Vincent Kenneth Mercader, chief of Police it Makato Municipal Police Station (MPS), naga-isaeahanong ginabaybay it nasmabit nga opisyal ro kahabaan it karsada paadto sa banwa it Lezo kat gulpu eon lang karang sunggabon ro mga road pillars.
Insigida man rayang ginrespondehan it Makato MPS kaibahan ro Municipal Disaster risk reduction and Management Office it nasambit nga banwa, kun siin insigida nga gin-taw’an it paunang pagbueong ro biktima.
Base sa mga nakolekta nga impormasyon, daeayon nga nawad-an it alintro ro biktima kat makaguwa raya sa anang saeakyan.// insigida man rayang gindaea sa ospital apang gindeklara man nga dead on arrival.
Ginpahayag ni P/Cpt. Mercader nga ro mga ginatan-aw nga rason hay nakatueog raya sa byahe ukon inatake sa tagipusuon, bangud eon man sa anang edad ag base eon man sa naging pahayag it anang pamilya nga may dating kaso eon raya it sakit sa tigipusuon.
Base sa pahayag it ospital, posibleng naging rason it anang kamatayon ro pag-angkon it rib injury sa waea nga parte.
Mageuwaas kara, nag-angkon man imaw it head injury bangud sa aksidente.
Sa makaron, si P/Cpt. Mercader eon mismo ro nagpangayo it kahilwayang mag-luksa para sa pamilya it biktima.
