-- ADVERTISEMENT --
Ginmanduan it Bangko Sentral ng Pilipinas (BSP) ro tanan nga mga negosyante ag bangko nga batunon ro kwartang nakapilo maskin papel ukon polymer bilang bayad sa transaksyon.
Raya ro naging sabat it BSP sa report nga owa pagbaton it sangka mall it bag-ong P1,000 nga polymer bill bangud raya sigon hay nakapilo.
Pagklaro man it SM nga andang ginabaton ro mga napilo nga polymer bills basta nga raya hay owa nagisi ukon owa it buho matapos nga mabue-an it staple wire.
Nauna eon nga nagpagguwa ro BSP it mga polisiya sa tamang pagbuyot it mga polymer bills.
