Naghinyo ro Office of the Ombudsman sa Sandiganbayan nga magpaguwa it Precautionary Hold Departure Orders (PHDO) kontra kanday Senador Rodante Marcoleta, dating Quezon City Rep. Michael Defensor, ag mga negosyanteng sanday Joseph Espiritu ag Aristotle Viray angot it kasong plunder ag indirect bribery.
Suno sa imbestigasyon it Luzon Field Investigation Bureau, ginatumod ro masobra ₱50 milyong sigon nga campaign donations nga nabaton ni Marcoleta halin sa mga co-respondents nga posibleng pageabag sa anti-graft laws ag Presidential Decree No. 46.
Ginpaidaeom sa raffle sa Sandiganbayan 7th Division ro kaso, kun siin ginaeumang ihathat it mga imbestigador ro ebidensya sa sangka ex-parte hearing para suportahan ro hinyo nga pagharang sa pag-panaw it nasyon it mga akusado.
Nauna eon nga gin-usisa it Commission on Elections si Marcoleta ku 2025 bangud sa uwa sigon nadeklarang donasyon sa anang Statement of Contributions and Expenditures (SOCE).
