Nangin makasaysayan ro hampang sa tunga it Canada ag Bosnia and Herzegovina sa Group B it FIFA World Cup 2026 sa Toronto Stadium, alas 3:00 kaina it aga-aga, Hunyo 13, oras sa Pilipinas.
Naangkon it Canadian men’s national team ro andang kauna-unahan nga puntos sa kasaysayan it World Cup matapos sanda nga mapiyerde ko nagtaliwan nga mga tournament matches ko 1986 ag 2022.
Sa ika-21 nga minutos, gindaea ni Jovo Lukić ro Bosnia and Herzegovina sa 1–0 lead pinaagi sa sangka corner kick halin sa midfielder nga si Ivan Basic.
Sa ika 78 nga minutos man, naka-score ro substitute nga si Cyle Larin para sa Canada ag ginpatas ro hampang, 1-1, daywa eon lang nga minutos matapos raya nga nagsueod sa hampang.
Bangud kara, patas ro Canada ag Bosnia and Herzegovina sa first place sa Group B nga may 1 point.
Sunod nga magabiyahe ro Canadian team pa-west para atubangon ro Qatar sa BC Place sa Vancouver sa Hunyo 18.
