Canadian PM Trudeau ginabatikos bangud sa pagkanta sa hotel sa London pilang adlaw antes ro eubong ni Queen Elizabeth II

Nagapangatubang sa batikos si Canadian Prime Minister Justin Trudeau bangud sa pagkanta sa sangka hotel sa London pilang adlaw antes ro eubong ni Queen Elizabeth II.

Makit-an sa nagkalhit nga video nga nagakanta ro Canadian Prime Minister samtang may nagatukar it piano sa lobby it sangka hotel it kantang “Bohemian Rhapsody” it Queen.

Mabatian man ro limog nga medyo ginahaluan pa kara it ibang kanta nga owa eon ginkalipay it mga pumueoyo it London.

Rason nga kat magguwa imaw sa hotel pilang oras antes ro eubong it monarch queen hay may pilang indibidwal nga nagpaninggitan ag  nagkantiyaw sa Canadian lider.

Sambilog si Trudeau sa mga nagtambong sa state funeral ni Queen Elizabeth II ko Lunes.