Sa unang Status Conference it kasong ginapangatubang ni dating Pangueong Rodrigo Duterte sa International Criminal Court, gintalakay ro paggamit it Ingles ag Filipino para mas mapadali ro pag-intindi it mga Pilipino sa pagbista.
Suno sa prosecution panel, importanteng maintindihan it publiko ro proseso it kaso, kaya suportado man ro pagtaeana it interpreter para sa mga testigo para ma-interpret sa andang lengwahe ro mga talakayan sa korte.
Apang, ginhambae it kampo ni Duterte nga indi eon kinahangean it interpreter para sa dating pangueo.
Samtang, gintaeana it ICC Trial Chamber III ro masunod nga mga pagpamati sa Nobyembre samtang ginahueat pa ro resulta it panibag-ong pag-usisa it tatlong accredited medical experts angot sa ikamayad nga eawas it dating pangueo.
