-- ADVERTISEMENT --
Ginarespito ni dating PBA player Jeffrey Cariaso ro naging desisyon it management it Converge FiberXers nga bayluhan imaw bilang head coach it koponan.
Sa anang social media, ginpahayag kara nga eubos nana nga gina-respito ro desisyon it Converge management.
Owa sigon imaw it paghinuesoe bangud maabu eon man ro anang nai-amot sa koponan.
Nag-eaum sigon imaw nga magpabilin it mas mabuhay sa koponan apang bukon kara it buyot ro desisyon.
Nasayuran nga owa nakasueod sa playoff ro koponan nga may limang daog ag an-om nga piyerdi.
-- ADVERTISEMENT --
Nagaguwa makaron ro balita nga ro magabaylo kay Cariaso si daitng San Beda University coach Alden Ayo nga ginpamalibaran man kara bangud masako imaw sa pag-alaga it anang ina nga may sakit.
