Ginsuspendi ni Cavite Governor Jonvic Remulla ro tanan nga sueod it klase sa eskwelahan sa bilog nga probinsiya makarang adlaw nga lunes Setyembre 2, bangud sa bagyong “Enteng”.
Suno sa gobernador nga bago ro desisyon hay nag meeting anay sanda it mga ahensiya ag nagdisisyon sanda nga isuspendi ro sueod it klase sa tanan nga grade shool level mapa public o private man sa bilog nga probinsiya.
Raya ro naging rekomendasyon it anang Provincial Disaster Risk Reduction and Management Council (PDRRMC) bangod ginasaligan ro mabaskog nga pag-uean nga daea it nasambit nga bagyo.
Madumduman nga nagpaandam ro philippine Atmospheric, Geophysical and Astronomical Services Administration (PAGASA) nga magadaea it maeapad nga pag-baha ag mabaskog nga uean ro bagyong “Enteng”.
Samtang maga abo pa ro mga lugar nga nagpangidaeom sa tropical cyclone wind signal number one (1) bangod sa bagyong Enteng.
Ro Visayas hay kaibahan man sa pagpaandam it bagyo sambilog eon kara ro Northern Samar, Samar, Eastern Samar, Biliran ag northeastern portion it Leyte (Babatngon, San Miguel, Tacloban City, Alangalang, Santa Fe, Palo, Barugo).
Samtang namataan man it tropical depression Enteng ro north east it Catarman, Northern Samar.//
