-- ADVERTISEMENT --
Sumaka eon sa masobra 900 ro ginadudahang kaso it Ebola sa Democratic Republic of the Congo, suno kay WHO Director-General Tedros Adhanom Ghebreyesus, kadungan it ginpabaskog nga surveillance sa nasyon.
Sa nasambit nga numero, 101 ro kumpirmadong kaso samtang 204 eon ro nalistang namatay suno sa health ministry it DR Congo, sa tunga it pagkalhit sa tatlong probinsiya.
Nauna eon nga gindeklara it WHO ku Mayo 15 ro Ebola outbreak sa Congo nga tuga it Bundibugyo strain, sangka klase it sakit nga presenteng uwa pa it aprubadong bakuna ukon bueong.
Ro Ebola hay sangka nakakamatay nga viral disease nga nabubuoe sa direktang kontak sa bodily fluids ag posibleng magtuga it grabe nga pagdugo ag organ failure.
