Ginbatikos ni Senator Alan Peter Cayetano si Senator Panfilo “Ping” Lacson bangud sa gina-alegar nga pagiging “all-around” authority kara sa imbestigasyon sa mga alegasyong iregularidad sa mga flood control project.
Suno kay Cayetano, medyu nagadikta sigon si Lacson sa pilang ahensya it gobyerno nga eakot sa isyu, kaibahan ro Laguna Lake Development Authority, Blue Ribbon Committee, Department of the Interior and Local Government ag Philippine Reclamation Authority.
Samtang, ginpahayag ni Lacson nga ginakabig nana nga pagdayaw ro mga pahayag ni Cayetano kun raya hay naghalin sa sangka tawo nga ginakabig nana nga credible.
Ro pagbaeayluhan it mahaeang nga pahayag it daywang senador hay kasunod it isyu sa naunang pahayag ni Public Works Secretary Vince Dizon angot sa ginasugid nga ghost projects sa Taguig.
