Kaibahan si Kalookan Bishop ag Catholic Bishops’ Conference of the Philippines (CBCP) president Virgilio David sa 21 nga napili ni Pope Francis naa maging bag-ong cardinals it Simbahang Katolika. Ginhimo it Santo Papa ro anunsiyo sa ana nga misa sa Vatican. Igahiwat ro installation it bag-ong elihir nga cardinals o ginatawag nga consistory sa paeaabuton nga Disyembre 8 bago ro pagbubukas it Jubilee Year it 2025.
Raya eon ro pang-10 nga consistory nga ginhimo it Santo Papa sa sueod it 11 dag-on nana nga pagserbi. Halin pa ko 2016 hay naging obispo eon it Diocese of Kalookan nga halin sa pagiging auxiliary bishop it Archdiocese it San Fernando sa Pampanga. Dag-ong 2019 kat mabuoe ni David ro suporta ni Pope Francis bangod sa nabaton kara nga mga paeag sa kabuhi halin sa pagbatikos nana sa war on drugs ni dating Pangulong Rodrigo Duterte.
Gin-unga raya sa Betis, Guagua sa probinsya it Pampanga si David eon ro naging kilaeang Bible scholar. Maski naangkot kara ro licentiate ag doctorate sa Sacred Theology halin sa Catholic University of LouvainsavBelgium ag bachelor’s degree sa Pre-Divinity halin sa Ateneo ag master’s degree sa Theology sa Loyola School of Theology.
Ro 65-anyos nga si David hay nangin pang-10 nga Filipino cardinal rayahay ginakumpunir nanday: Jose Cardinal Advincula, archbishop of Manila; Luis Antonio Cardinal Tagle, pro-prefect of the Dicastery for Evangelization ag dating archbishop it Manila; Gaudencio Cardinal Rosales, dating Archbishop it Manila; Jaime Cardinal Sin, dating archbishop it Manila; Rufino Cardinal Santos, dating archbishop ng Manila; Ricardo Cardinal Vidal, archbishop ng Cebu; Julio Cardinal Rosales, dating archbishop it Cebu; Orlando Cardinal Quevedo, dating archbishop it Cotabato ag Jose Cardinal Sanchez, dating prefect of the Congregation for the Clergy.
Ro mga Cardinals hay tradisyonal nga ginatawag bilang “princess of the Church” nga nagasirbi bilang advises sa Santo Papa. Apang ro pinakatrabaho nanda hay ro nagadangop sa conclave kung siin sanda hay magataeana it bag-ong Santo Papa kung magpanaw o abdication eon it Santo Papa.
Bago ro ana nga assignment hay ro misnong 2 sa ap-at nga buhi nga Flipino cardinals ro mahimo nga bumuto sa conclave nga sanday Tagle ag Advincula bangod indi eon mahimo nga makaboto sa conclave ro mga may edad 80 pataas. Ginhambae ni Pope Francis nga ro pagbutang nana it mga bag-ong Cardinals halin sa nagka-eain-eain nga nasyon hay nagapakita eamang it koneksyon it Vatican sa nagka eain-eain nga mga local nga diocese.
