KALIBO, Aklan — Ginpaguwa eon it Commission on Elections (Comelec) law department ro certified list of candidates para sa 2025 midterm elections.
Raya ro ginkumpirma ni Comelec-Aklan spokesperson Chrispin Raymund Gerardo.
Bangud kara, gin engganyo nana ro tanan nga mga aspitrante nga nagdihon it andang certificate of candidacy nga mag-agto sa natungdan nga taeatapan it komisyon agud nga ma-double check ro andang mga pangaean.
Importante suno kana nga mausisa kon tama ro andang mga pangaean nga makita sa mga balota.
Engkaso nga may correction nga nagalimita eamang sa typographical error hay pwede pa raya nga mabayluhan antes ro printing it balota .
May mga kahigayunan man suno kana nga owa naeakip sa listahan ro pangaean it aspirante rason nga kinahangean nga ma-usisa it husto.
Dugang pa nga gina alerto man sigon nanda ro mga kandidato sa oras nga makitaan it diperensiya ro andang listahan .
