Nagpatigayon ro China it missile test-fire halin sa sangka nuclear-powered submarine paadto sa Pacific Ocean ku Hulyo 6, nga nagtuga it kabaeaka sa pilang kaeapit nga nasyon kaibahan ro Japan, Australia, ag New Zealand.
Suno sa report, ginlunsar it People’s Liberation Army Navy (PLAN) ro missile nga may dummy warhead ag bumagsak raya sa sangka gintaeana nga parte it international waters sa Pasipiko.
Uwa man ginsapubliko it China ro eksaktong lokasyon it gin-bagsakan kara.
Ginpaathag it gobyerno it China nga parte eamang it dag-unang military training ro missile launch ag uwa raya nakapokus sa anumang partikular nga nasyon ukon target.
Ginpatigayon ro missile test pilang oras matapos magperma ro Australia ag Fiji sa sangka bag-ong kasugtanan sa depensa nga nagatuyong pabaskugon ro andang pagbueuligan kontra sa mga posibleng paeag sa rehiyon.
