Gindeklara ni Comelec Chairman Saidamen Pangarungan nga haum eon ro komisyon para sa nagahilapit nga mismong adlaw it eleksyon.
Gin pahayag raya ni Pangarungan sa anang ginpatigayon nga joint command conference kaibahan ro Armed Forces of the Philippines (AFP), Philippine National Police (PNP), Philippine Coast Guard (PCG), Department of Energy (DOE), Department of Health (DOH), ag Department of Education (DepEd) nga ginhiwat sa Camp Aquinaldo sa Queozon City.
Dikara ginpahayag it Comelec chairman nga haum eon ro tanan nga kinahangeanon para sa paea-abuton nga eleksyon sa Mayo 9, maghalin sa mga naimprenta nga mga balota, vote counting machines (VCMs), ag iba pa nga election paraphernalia sa bilog nga nasyon.
Samtang, nagapanawagan man si Pangarungan sa AFP, PNP ag PCG para sa uman nga pagpangayo it bulig sa seguridad sa panyempo it eleksyon ag maskin sa pag-secure it mga balota.
Nagpasaeamat man ro opisyal sa mga indibidwal nga naging kaparte it pagpahaum it Comelec kamana man sa mga kaibahan kara nga mga ahensya it gobyerno nga nagkalisod ag nagsakripisyo para sa paeaabuton nga eleksyon.
