Ginpangaeanan ni Sagip party-list Representative Rodante Marcoleta si Commission on Elections Chairman George Erwin Garcia nga nakalista sigon nga tag-iya it daywang offshore bank account sa Cayman Islands
Bilang pamatuod sa alegasyon it mamalidha, ginpresentar nana ro kopiya it mga resibo it transaksiyon it bank transfer sa sangka press conference angot sa gindihon nga House resolution para imbestigahan ro kontrata it Comelec ag Miru.
Pagbulgar pa it nasambit nga mamalidha nga naghalin ro resibo halin sa platform it sangka institusyon nga nakabase sa Amerika, sangka respetadong bangko nga ginatawag nga JP Morgan Chase & Company rason nga makabig sigon nga minatuod ag bukon it tampered ro transaction records halin sa Chase for Business.
Ginpahayag dugang nga nagdihon imaw it House Resolution 1827 nga nagatuyong imbestigahan ro deposits nga nabaton it Comelec official para sa posibleng pag-eabag sa Anti-Graft and Corrupt Practices Act (Republic Act 3019).
