Ginkumpirma it International Criminal Court (ICC) ro pagiging minatuod it arrest warrant kontra kay Sen. Ronald “Bato” Dela Rosa angot it kampanya kontra ilegal nga droga ku administrasyon ni dating pangueong Rodrigo Duterte.
Suno sa ICC, ro warrant hay ginpaguwa nga kumpidensyal it Pre-Trial Chamber I ku Nobyembre 6, 2025 ag presenteng ginpaidaeom sa proseso para maisapubliko.
Nagpabilin si Dela Rosa sa sueod it Senate of the Philippines matapos mag-tambong sa sesyon ag ginpaidaeom sa protective custody kasunod it isyu it pagpatuman it warrant ag insidente sigon sa National Bureau of Investigation (NBI).
Gindaea man sa Senado ro kopya it warrant ni dating senador Antonio Trillanes IV kaibahan ro mga tawuhan it NBI.
Samtang, ginpamilit ni Newly Elected Senate President Alan Peter Cayetano nga mga warrant eamang halin sa korte it Pilipinas ro paga-kilaean’on sa idaeom it anang pagdumaea.
