Owa pa it matabo nga pagbag-o sa presenteng mga opisyal sa Commission on Election en banc suno kay Commissioner George Erwin Garcia.
Raya hay matapos nga magbuhi sa anang pwesto bilang gun ban committee chairperson si Commissioner Socorro Inting bilang pagprotesta sigon sa gintao nga gahom kay Comelec chairman Saidamen Pangarungan nga gindeklarang una sa idaeum eun it kontrol it Comelec ro sangka lugar.
Suno kay Garcia, sa makarun hay owa anay it magiging pagbag-o bangud ginpakigbato sigon it Comelec ro pagkonsidera sa irrevocable resignation ni Inting.
Ginpamalibaran man kara nga may unang pagtunga-tunga ukon kinagamo sa sueod it komisyon ag sa kamatuoran pa sigon hay owa man it oposisyon ag objection sa andang ginahimong mga agenda.
Madumduman nga ko kan-o eamang hay ginpinahayag ni Inting nga magiging inutil eun ro Committe on the Ban on Firearms and Security Concerns (CBFSC) matapos nga maisapinal ro pilang mga pinagbag-o sa komisyon sa andang naging pagpueong ko nagtaliwan nga dominggo.
