Sa pihak it pagpahalin bilang alkalde it Bamban, Tarlac, pwede pa gihapon nga mag file it kandidatura si Alice Guo para sa 2025 midterm elections.
Suno kay Comelec spokesperson Rex Laudiangco, kung ingkaso nga magdihon si Alice it anang Certificate of Candidacy, pagabatunon pa gihapon raya it komisyon, anumang posisyon ro anang daeaganan.
Rason ni Laudiangco, ministerial eamang ro trabaho it komisyon. Boot singhanon, himuon kara ro mga responsibilidad kara nga ueobrahon , mag-facilitate it filing ag magbaton it mga COC sandig sa gintaeana it laye.
Uwa sigon it gahum ro Comelec nga mag-reject sa COC it dating alkalde kung gustuhon man kara nga magsumite sa nagapahieangupon nga filing.
Kung mahimo sigon nga magdihon it petisyon agod nga kanselahon o i-deny ro COC ni Alice Guo, mahimo man sigon rayang tun-an it komisyon ag magamit ro mismong pestisyon bilang basehan it petisyon for disqualification.
Si Alice hay ginbuoe it Ombudsman bilang alkalde it Bamban bangod sa grave misconduct kaangot sa ginasugid nga connection nana sa operasyon it POGO. Naging epektibo raya ko Augusto 13, 2024.
