Gin-engganyo it Commission on Elections (COMELEC) ro publiko ag mga political parties nga mag-adto sa mga presinto sa bilog nga nasyon sa Mayo 2 hasta 7, 2022.
Raya hay para personal nga masaksihan ro final testing ag sealing it mga vote counting machines (VCM) nga pagagamiton sa eleksyon sa Mayo 9.
Suno kay COMELEC Commissioner George Garcia, sa mga nasambit nga adlaw, ro kada presinto hay magagamit it 10 original ballots para sa May 9 elections.
Masaksihan kara ro pag-print it resibo nga magaguwa sa mga vote counting machines.
Sa mga magatambong sa final testing ag sealing it mga VCM, ginpahayag ni Garcia nga pwedeng testingan ro undervoting ukon overvoting, saea nga pag-shade sa balota, ag maskin nga sueatan ukon gision ro balota para masayuran kung pagabatunon raya it makina.
Kung owa man it depekto, iga-seal ro mga vote counting machines sa atubang mismo it mga witness.
