Matapos ro pagtaliwan ni Queen elizabeth II, nag-umpisa eon ro pagbag-o sa United Kingdom kapareho eon lang sa andang national anthem.
Kahapon it agahon hay ginpatukar eon ro “God Save the King” bilang pagkilaea kay King Charless III.
Ginasugid nga owa pa man namamatay ro Queen, nakaplastar eon ro mga plano sa idaeom it Operation London Bridge kamana man ro Operation Spring Tide.
Ro kwarta ukon currency nga kilaeang pound sterling hay nakabandera ro portrait it reyna nga umabot sa 4.5 billion ro bank notes.
Apang , daywang dag-on pa ro makataliwan antes mabutang man ro itsura ni king Charles.
Samtang, ro itsura man it queen hay naka-feature sa stamps, nga sa mga paeaabuton nga adlaw hay paga-islan eon man.
Posibleng maka-angkon man sigon it bag-ong logo ag colors eabi eon gid ro queen’s color flag.
Sa pihak nga parte, apisar nga naghalin eon sa royal family sanday Prince Harry af Meghan Markle mabahoe sa gihapon ro tyansa nga ro andang mga onga nga sanday Archie ag Lilibet, hay mataw-an it mga titueo bilang prince ag princess.
