NATIONAL News — Magiging bastante sigon ro suplay it bugas ag karne sa nasyon makaron nga nagahilapit nga holiday season.
Raya ro ginpasiguro it Department of Agriculture (DA) sa tunga it naeksperiyensiyahan nga kakueangan sa suplay it pilang mga produktong agrikultural sa Pilipinas.
Base sa supply outlook it National Rice Program, nagatuhaw nga may pagtaas sa lokal nga produksyon it paeay.
Suno sa DA, mabahoe nga parte it suplay ro locally produced rice ag ro produksyon it mga mangunguma hay bastante eon agud nga masabat ro pagkinahangean sa pagtapos it dag-on.
Kadungan kara, ginkumpirma man it livestock group it DA nga bastante man ro suplay it mga lokal nga karne it manok ag baboy.
Hasta sa unang parte it 2023 ginaeauman nga magiging bugana ro supply, batay pa sa pagtantiya it ahensya.
