Kasunod sa pagbalik sa eskwelahan it mga estudyante para sa limited face to face classes hay naging problema man ro daeagan it trapiko sa mga nagapangunang daeanon.
Sambilog eon sa nataeopangdan hay ro paggutok it mga behikulo sa may pribadong eskwelahan sa may bahin it Estancia, Kalibo kon siin nagakriar it trapiko ro nagapundo nga saeakyan kon nagapapanaog it pasahero ag ro iba hay nagaduhong pa para magpick-up it pasahero.
Suno kay Kalibo sangguniang bayan member Augosto Tolentino nga ro dating ginaproblemahan sa may Kalibo pilot hay may proposed resolusyon eon para butangan it overpass para sa kaeowasan it mga estudyante.
Samtang, ro sa may Estancia hay ginpabutang it Kalibo auxillary police apang medyo uwa man suno kay SB Tolentino nakakita ro mga KAP nga nagatraffic eon sa nasambit nga lugar.
Angot kara, ana sigon nga ipareview ro mga nauna eon nga naistoryahan ag ro ginduso nga resolusyon may kaangtanan sa nasambit nga isyu.
