Nakasunod ro daywang tiki halin sa Florida paagto sa England matapos raya nga magpanago sa maleta it sangka pamilya.
Suno kay Mark Goodlad it Kirton Lindsay, Lincolnshire, England, bag-o eamang nga naka-uli ro anang pamilya halin sa Walt Disney World sa Orlando, Florida, kat buksan nana ro sangka maleta ag natukiban ro sangka pares it anole lizard nga sangka kulay berde ag sangka kulay brown.
Suno kay Goodlad nga sangka beterinaryo, nadakpan eagi nana ro sambilog sa mga tiki, apang kinahangean nana nga eagson sa kusina ro sambilog pa antes nga eowas raya nga nadakpan.
Insigidang ginpatawag ro animal rescue officer sa baeay ni Goodlad ag gindaea ro mga tiki sa sangka reptile specialist para sa pag-alaga.
Suno sa animal rescue officer nga si Dave Holgate, maswerte ro nasambit nga mga tiki matapos mapili ro maleta nga ginapanag-iyahan it sangka beterinaryo nga medyu nasayuran kon ano ro dapat nga obrahon agud nga mapabilin sanda nga eowas samtang sa biyahe.
Samtang, ginpasaeamatan man it rescue officer ro nasambit nga pamilya sa pagpabilin nga eowas it pares it tiki nga bumiyahe it 4,300-miles.
