Pormal nga hinyuon it kampo ni dating Pangueong Rodrigo Duterte sa mga mahistrado it International Criminal Court (ICC) nga ibalik ro dating presidente sa mga Pilipino ag sa anang pamilya.
Sa pag-atubang sa hukuman, ginhathat ni defense counsel Nicholas Kaufman ro magiging masunod nga tikang it andang koponan bilang depensa it dating punong ehekutibo.
Sa pag-apela sa korte, ginbansagan pa it abogado si Duterte bilang Tatay Digong.
Tuyo it manipestasyon nga ipaabot sa ICC ro sentimyento ag parte it mga taga-suporta ag pamilya it dating presidente sa Pilipinas.
Ro nasambit nga tikang it depensa hay kasunod it nagpadayon nga pagpamati ag paghathat it ebidensya it ICC angot sa ginapatigayon nga imbestigasyon sa madugong drug war it nakataliwan nga administrasyon.
