Ginklaru ni Defense Counsel Atty. Michael Poa nga bukon nanda it intensyon nga insultuhon si National Bureau of Investigation (NBI) Director Atty. Melvin Matibag.
Raya hay matapos nga mamitlang ro pangaean it asawa it nasambit nga NBI Director nga si Congresswoman Ann Matibag sa naging cross examination kana it defense team sa Impeachment Trial ni Vice President Sara Duterte.
Suno kay Poa, kaibahan gid man sa cross examining ro pag-test bukon eamang sa kredibilidad it testigo kundi pati eon sa personal biased kara.
Dugang pa ni Poa, maskin sa parte it proseksyusyon kon tiempo eon it depensa nga ipresenta ro anang mga testigo hay sigurado nga sambilog man raya sa andang pagatan-awon.
Nasayuran nga gin-aku ni Matibag nga kaibahan ro anang asawa sa mga nag-endorso it impeachment complaint kontra sa bise presidente.
