Ginpunto it kampo ni Vice President Sara Duterte sa pagbukas it impeachment trial sa Senado nga dapat mapawalang-sala ro Bise Presidente kun mapaseawang mapamatud-an it prosekusyon ro mga pasibangud kontra kana.
Suno sa lead defense counsel nga si Atty. Sheila Sison, una sa bahin it prosekusyon ro saeabton nga maghathat it bastante nga ebidensya.
GInpahayag man it depensa nga ro Articles of Impeachment hay may mga pageabag sigon sa Konstitusyon.
Ginpamilit kara nga eumampas sigon sa mandato ro Kamara sa pagbilog it kaso ag nagpatigayon it mga tikang nga uwa nagakaigo sa gintaeana nga proseso it impeachment.
Ginpamilit man it depensa nga nagapabilin nga naga-iral ro presumption of innocence ni Duterte sa idaeom it Bill of Rights ag dapat rayang respetuhon sa bilog nga proseso it impeachment.
Suno sa kampo it Bise Presidente, ro impeachment hay sangka legal ag konstitusyonal nga mekanismo nga dapat ipatigayon sandig sa laye.
Samtang, ginhambae it abogado ni Duterte nag si Atty. Michael Poa nga naging maayos ro unang adlaw it pagbista sa Senado sa pihak it magkaibang panan-awan it magtimbang nga bahin.
Pormal nga ginbuksan it Senado bilang impeachment court ro pagbista ku Hulyo 6, kun siin gintalakay ro mga paunang mosyon ag nag-tao it opening arguments ro prosekusyon ag depensa.
