KALIBO, Aklan—Mabahoe ro tsansa it Denver Nuggets nga magkampeon sa NBA best-of-seven championship series kontra sa Miami Heat.
Raya ro pagpati ni Bombo International Correspondent Greg Aguilar it California, USA matapos nga magdaog ro Nuggets sa game 3 kaina sa score nga 109 to 94.
Suno kana nga sa kasaysayan it NBA finals ro sin-o man nga magadaog sa game 3 hay eaban nga sanda man ro nagakampeon sa serye.
Gindugang pa ni Aguilar nga sangka mayad nga koponan ro Nuggets, kun sa siin nakompleto nanda ro 4-0 sweep kay LeBron James ag sa Los Angeles Lakers sa Western Conference finals series.
Ro Denver star center sigon nga si Nikola Jokic ro ginsaligan ni coach Michael Malone para sa Nuggets nga nagahampang sa andang kauna-unahang NBA Finals matapos ro 47 anyos sa liga.
Apang nagatinguha man suno kana ro Heat agud nga maabot ro gina target nga pang-ap-at nga kampeonato umpisa nga maghari sa NBA ko 2006, 2012 ag 2013.
