Ginatun-an it Department of Education (DepEd) ro pagpatuman it trimester system para sa maabot nga school year 2026-2027 bilang kaparte it sangka “holistic approach” para sa mga estudyante.
Suno kay DepEd Secretary Sonny Angara, tuyo it sistema nga makaangkon it mas mahaba ag tayuyon nga pag-turo, maayos nga pacing it mga leksyon, ag mas manabang administrative burden para sa mga manugturo.
Sa idaeom it trimester system, pagatungaon ro 201 school days sa tatlong term kon sa siin sa unang term hay magaumpisa sa Hunyo hasta Setyembre; ikaywang term: Setyembre hasta Disyembre; ikatlong term: Enero hasta it Marso.
Kada term hay makaangkon it 54 hasta 61 days it pagturo, nga may minor nga pahuway para sa non-academic activities ag enrichment blocks.
Suno pa sa DepEd, magapaguwa sanda it policy guidelines angot sa trimester calendar sa mga masunod nga inadlaw matapos makipag-konsulta sa mga stakeholder.
Kadungan kara, ginaduso man it DepEd ro mga “low-disruption alternatives,” kon sa siin ro mga school celebrations ag observances hay maieakip eon sa aktwal outputs it klase agud malikawan ro disturbo sa pagturo.
