KALIBO, Aklan—Kasunod it pagpaisoe sa pagbukas it klase sa Oktubre 5, ginpahayag ni Dr. Jose Niro Nillasca, Assistant Schools Division Supt. it Department of Education ukon DepEd Aklan nga nataw-an pa sanda it bastate nga tiempo agud nga maging mas haum sa school opening.
Kaibahan sigon sa andang ginatutukan makaron hay ro pag print it mga modules nga pagagamiton it mga learners.
Base sa survey, mas maabu nga porsiyento it mga learners ag mga ginikanan hay mas pabor sa paggamit it printed modules kumpara sa iba pang pamaagi it pagtinuer-an kumpara sa radio ag TV based learning kamana man ro online.
Samtang, pila sigon sa mga eskwelahan hay nakapatigayon eon it orientations sa mga ginikanan ag komunidad sandig sa andang schedule.
Dikara hay gintaw-an it instructions ro mga ginikanan sa mga dapat nga obrahon sa distribution it modules halin sa mga manugturo kaeakip ro pagsunod sa mga gintaeana nga health protocols agud nga malikawan ro pagkalhit it coronavirus disease 2019 ukon covid 19.
Gina- “fine tune” pa sigon makaron ro pamaagi it pag-release ag pagbalik it mga printed modules para sa maayos nga proseso.
Samtang, ginataw an man sigon nanda it atensyon makaron ro psycho-social preparation bangud nga bukon eamang ro physical activities ro apektado it pandemya kundi maskin ro mental ag psychological health it mga pamatan-on.
