Ginklaro makaron it Department of Labor and Employment (DOLE) nga hasta makaron hay suspendido gihapon ro deployment it mga overseas Filipino workers (OFWs) sa Saudi Arabia.
Insigida nga nag-paguwa ro ahensiya it pagklaro matapos nga magguwa ro pekeng advisory nga may petsang Abril 4, 2022.
Nakabaehag sa pekeng “Advisory No. 69 series of 2022” nga lifted eon ro deployment ban sa Saudi.
Suno kay DOLE information Publication Service Director Rolly Francia nga fake sigon ro nasambit nga advisory ag owa it ginpaguwa ro DOLE nga kaparehong anunsyo.
Dugang pa ni Francia, tuyo eamang sigon it pekeng dokumento nga pataeangon ro publiko ag ro mga empleyado nga gusto eon mag adto sa Saudi Arabia.
Gin kumpirma man sigon it Philippine Overseas Employment Administration (POEA) chief Bernard Olalia nga owa raya it ginpirmahan ukon gin-isyu nga advisory.
Sa makaron, nagpangayo eon it bulig ro DOLE sa mga otoridad para matumod eon ro source it bogus advisory.
