Ginpahayag ni Foreign Affairs Secretary Teodoro Locsin Jr. nga indi nanda pagbawaean nga makasueod sa nasyon ro mga Russian travelers.
Raya hay sa pihak it patong-patong nga sanctions ag restriksyon nga ginpasaka it nagkaeain-eain nga mga nasyon sa Russia bangud sa ginapatigayon nga pagsakop kara sa nasyong Ukraine.
Aminado si Locsin nga may pilang ka mga nagasuhisyon sa taeatapan nga bawaean ro pagsueod it mga Russian travelers sa Pilipinas apang gintaw-an it punto ni Locsin nga indi gid raya matabo.
Suno sa sekretaryo nga kapareho man sa naging pagsumbil ni Pangueong Rodrigo Duterte it Filipino citizenship sa mga Rohingya refugees halin sa Muslim ethnic minority group nga maghalin sa nasyon it Myanmar hay haum man sigon raya nga batunon ro mga Ukrainian refugees nga biktima it nagakatabo nga giyera sa andang nasyon.
