Gin-aku ni Department of the Interior and Local Government (DILG) Secretary Jonvic Remulla nga nasayuran eon it mga awtoridad ro ginakahimtangan ni Vice President Sara Duterte matapos ipaguwa ro warrant of arrest kontra kana, apang owa sigon nanda ginpilit nga ipatuman eagi ro warrant.
Suno kay Remulla, gina-respeto it Philippine National Police (PNP) ro posisyon it bise presidente kadungan ro pahayag nga gintau kana ro tanan nga nagakaigo nga respeto. May una man sigon nga body camera footage ro kapulisan sa pagserbi it warrant ag sa pag-abot ni Duterte sa korte para sa pag-post it piyansa.
Nauna eon nga ginpahayag ni Duterte nga bukon imaw it eowas sa kustodiya it kapulisan ag nagpahayag it pagkabaeaka para sa anang kabuhi ag sa anang pamilya.
Nagtaeana imaw it P360,000 piyansa para sa tatlong counts it grave threats matapos nga pasakaan it kaso angot sa gina-alegar nga pagpamaeag sa kabuhi nanday Pangueong Ferdinand Marcos Jr., First Lady Liza Araneta Marcos ag dating House Speaker Martin Romualdez.
