Nagpamalibad si Russian President Vladimir Putin sa panawagan ni Ukranian President Volodymyr Zelensky para sa harap-harapan nga pag-istorya agud nga tapuson eon ro giyera sa tunga it daywang nasambit nga nasyon.
Sa sangka bukas nga sueat nga ginpaguwa, adlaw it Huwebes, ginhinhyu ni Zelensky ro direktang negosasyon kay Putin ag gin-insister nga indi eon pagpabuhayon ro giyera nga nag-umpisa kato pang 2022 kat maglunsar it maeapnagon nga pagsalakay ro Russia sa Ukraine.
Mag-eowas kara, naghinyu man si Zelensky it pagpatuman it ceasefire samtang nagpahayag it mabakod nga panindugan kontra sa Russia.
Sa pihak kara, ginpahayag ni Putin nga owa imaw it nakikitang rason agud nga makipagkita kay Zelensky ag gintawag nga bastos ro nasambit nga open letter.
Uman kara nga gin-insister nga dapat anay nga makaangkon it peace talks antes nga isueong ro anumang ceasefire.
Matapos mabatian ro sabat ni Putin, ginpahayag ni Zelensky nga mas ginapili it Russia ro giyera kaysa kalinong nga panigurado sigon nga igakadismaya it bilog nga kalibutan.
