Gusto it Department of Health (DOH) nga ieakip it Philippine Health Insurance Corporation (PhilHealth) sa andang package ro antipara sa mga unga nga may edad 5 pataas.
Sa sangka pahayag ginhambae ni DOH Spox. Dr. Albert Domingo, naisumite eun nanda ro andang rekomendasyon sa En Banc it Philippine Health Insurance Corporation (PhilHealth).
Paliwanag ni Domingo, padayon ro pag-abo it numero it mga unga nga naga-angkon it problema sa mata.
Suno kana, tanan raya hay nagakinahangean it insigidang sabat agud maagapan ag mapabueong.
Sa makaron mahae ro pagpasaeaming ngani mabahoe nga ginhawa sigon raya sa mga pasyente kun pasugtan it Philhealth.
Mag-euwas sa saeaming hay ginrekomenda man kara ro check up ag operasyon sa katarata sa mga unga nga pasyente.
Ginapataasan man kara ro package rate it Philhealth para man sa oronary artery bypass graft surgery, pagsara it ventricular septal defect ag iba pa nga operasyon ag serbisyo.
