NATIONAL News — Ginpadumdum it Department of Labor and Employment ukon DOLE ro tamang pasweldo makaron nga Semana Santa partikular ro Black Saturday.
Sandig sa Labor Advisory No. 04, Series of 2025, ro Abril 19 hay sangka ‘Special Non-Working Day’.
Tuyo it andang ginpaguwa nga social media post nga mapadumdum ro mga pribadong sektor, employers ag trabahador sa ‘proper payment of wages’ makaron nga adlaw, kun sa siin ginapatuman ro “no work, no pay policy” sa mga indi magsueod sa trabaho apang kun may ibang polisiya ukon collective bargaining agreement mat’a ro kumpanya, pwede raya nga sundon sa pagbayad it nagakaigo nga kantidad.
Apang kon ro sangka empleyado man hay magasueod samtang ‘special non-working day’, ro employer hay kinahangean nga magbayad it dugang nga 30% halin sa andang basic wage it unang waeong oras.
Kon natiempo nga nag-eampas sa nakataeanang oras eamang it trabaho, kinamatarung it sangka empleyado nga maswelduhan imaw it dugang nga 30% it balor it sweldo.
Dugang pa kara nga kon ‘rest day’ it trabahador ag imaw hay magsueod gihapon makaron nga adlaw, 50% it anang basic wage sa sueod it waeong oras hay dapat eamang nga idugang.
Samtang, engkaso nga magsobra sa waeong oras it trabaho ro gin-ubos, mag-eowas sa 50% nga naidugang, makabaton it dugang nga 30% kada sobrang oras.
