Ginklaru it Department of Public Works and Highways (DPWH) nga ro mga baeay ag establisimento sa kilid it national highway nga maapektuhan it nagapadayun nga road widening project sa bilog nga nasyon hay owa it anuman nga kompensasyon nga mabaton kon sanda hay nakasueod sa “ road right of way” ukon bukon it sakop it private titles.
Kinahangea sigon nga makapakita ro mga apektadong property owners it mga dokumento kapareho it updated nga land tax declaration antes nga makapaguwa ro gobyerno it anuman nga financial assistance.
Nakabaehag sa RA 10752 ukon ‘The Right-of-Way Act’ nga “the government may acquire real property needed as right-of-way site or location for any national government infrastructure project through donation, negotiated sale, expropriation, or any other mode of acquisition as provided by law.”
Para sa kasayuran it tanan angot sa road widening, sa mga national highway, 15 meters halin sa tunga it karsada, waea ag tuo; sa mga provincial road, 7.5 meters halin sa tunga it karsada, waea ag tuo; sa mga municipal road, 6 meters halin sa tunga it karsada, waea ag tuo ag sa mga barangay road, 5 meters halin sa tunga it karsada, waea ag tuo.
