Ginklaro it Department of Social Welfare and Development (DSWD) nga bukon it intensyon ni Sec. Erwin Tulfo nga pabangdan it maeain ro mga manugturo.
Raya hay may kaangtanan sa unang naging pahayag it sekretaryo nga posibleng may matabo nga “favoritism” sa mga manugturo kung sanda ro magadumaea it pagpanupod sa educational assistance it DSWD.
Rason nga ginpaeagan man it pilang ka mga grupo it manugturo sa nasyon.
Ginpahayag man ni DSWD spokesperson Asec. Romel Lopez nga gintamyaw ni Sec. Tulfo ro mga sakripisyo it mga manugturo sa sueod it nasyon.
Ginpaathag kara nga gusto eamang ipaabot it sekretaryo nga owa imaw naila nga taw-an pa it dugan nga trabaho ro mga manugturo.
Samtang, haum eon man ro taeatapan para sa uman nga pagpanupod makaron nga adlaw it educational assistance sa pangaywang kahigayunan.
Sa pihak nga parte, padayon nga ginaklaro it taeatapan nga owa eon sanda ga baton it mga walk in applicants ag mga indbidwal eamang nga naka-register online nga nakabaton it sms confirmation ro andang iga-accomodate
